منتاش ولى  

مرسلة بواسطة كرانيش

منتاش ولى
ولا ليك قريب م الاوليا
ولا كان لجدك فرع ماسس انبيا
فمترتديش توب الولى
وتيجى ترقينى باديك
وان ماارتقيت
انا عارفه راح تسخطنى ايه؟
...
يامعلمه الصبر لبنات الحور
تعالى علمينى
اصبر وانا شيفاه غريب
مش ذى ما اتعودت اشوف الأوليا
سابل عليهم نور هدايه ربنا
ولا زى مااتعودت ا شوفك بتهادينى الضحكه يوم لما اتحنيت
جتنى وبكيت
مبقتش عارف تعمل ايه
....
انت الغريب يابن البلد دى
انت اللى هتعلمنى أبكى؟؟
وبدال ما تمسح دمعتى
زودتها
روح بقه
اياك يسامحك ربنا
بس ابقى فاكر كلمتى
منتاااش و..ل...ى

This entry was posted on ٢٠:٢١ and is filed under . You can leave a response and follow any responses to this entry through the الاشتراك في: تعليقات الرسالة (Atom) .

31 التعليقات

انت اللى هتعلمنى أبكى ؟؟؟؟؟؟

منتاش ولى

والله ياريت يسمعك يمكن يرق

حلوة القصيدة يا كرانيش , بس ما تبكيش

( الدمع عمره ماكان دوا
غير للى مال عوده قصاد حبة هوا) فإياك تبكى

سلام يا قمر

آه

أحبك ألف

حلوه
اسلوبك جميل ياجميل

المقطع الاول عالي جدا ف حجات كتيير
لكن بعد كدة بدأت اتلخبط ف الضماير ومين بيقول لمين ايه؟
وبعدين حسيت انك عايزة تخلصي منة ومن القصيدة فجأة فرحتي قافلة كدة مع نفسك
الحجات دي محتاجة تتسمع الأول عشان تتظبط ف الودن
والسلام عليكم
المهم بقي إنتي عاملة اية دلوقتييي؟

بجد حلوة قوى يا كرانيش
اسلوبك جميل و رقيق
بس بجد بجد مفيش حد يستاهل البكاء
و الحمد لله ان ربنا منحنا نعمة النسيان

ايه دا ؟
اييييييييييييييه الرخامة دي ؟

حلوووووة قوي

حلوة بشكل مستفز

حلوة بشكل يشل

حلوة بشكل يجيب اكتئاب

حلوة بشكل يغيظ

روحي يا شيخة منك لله

ايه دا ؟

ياساتر

روحي يا شيخة كدا وانتي بتكتبي حلو

يخرب عقلك يا ادم

اه
القصيدة مش عالية اوي
جايز لانك حاولتي تمشي في طريق تاني
انا شايف ان تغاريب مثلا كانت المحاولة الاكثر نضجا في الطريق دا
عموما حاولي تاني

منتاش ولى
ولا ليك قريب م الاوليا
ولا كان لجدك فرع ماسس انبيا


حسة انى بتفرج على فيلم
لنجيب محفوظ

الحرافيش بقى
وكدة
جو القصيدة عموما حلو اوى
سلام

جميل جدا بس عندى تحفظ على اللغة حاسس انها- و قلت ده اعتقد لعين ضيقة قبل كده- لغة مستهلكة انظرى مثلا للجملة الاولى فى القصيدة منتاش ولى
يمكن سمعنها مليون مرة قبل كده

يعنى اخينا طلع فشنك
يعينى يا بنت صعبت عليا كنت فاكر انه هيحللك مشاكلك طلع هو المشكلة

جميله يا جميل بس خلى بالك المرة الجاية يكون بجد

الحالة يمكن تكون مش جديدة عليكي بس التناول بالشكل دة مش سهل لانه يستدرج الشاعر لمناطق اللك والرغي اللي مش جايب همة ودة بعيد عنك الي كبير هنا بس انا متفق مع شبابيك في حتة اللخبطة الخلاصة يعني انك ماديتيش الفكرة وقت كافي لتختمر في عقلك يمكن الاحساس اعلى من الفكرة سنة مع انك رسمتيها في شكل محتاج خيال ورسم

بوركتِ

صديقتي التخييلية حتى الأن .. تحفة أوووي ولمستني القصيدة دي..


تعالي المدونة عندي بسرعة في رسالة سايبهالك :)) محبتي

عين ضيقه:
مانا ناويه اقولهاله بس خايفه تبقى اخرتها علقه تانيه بقصيده تانيه
انا بحبك الفين على فكره
÷÷÷÷÷÷÷÷÷÷÷÷÷÷÷
بياترتس
والله انتى اجمل
÷÷÷÷÷÷÷÷÷÷÷÷÷÷÷÷
شبابيك
طب ماتيجى تسمع يا دكتور
مش هنقولك لا
÷÷÷÷÷÷÷÷÷÷÷÷÷÷÷÷÷
تيرويسبيرز
ماانا بقول كده برضو الحمد لله

÷÷÷÷÷÷÷÷÷÷÷÷÷
ادم المصرى
اييييييه الغلاسه دى
انت اللى عجبتنى بشكل رخم موت
وغلس رخامه
÷÷÷÷÷÷÷÷÷÷÷÷
ارسطو
اه مانت صاحبه
ماعلينا
انا معترفه بنضج تغاريب عن منتاش ولى
÷÷÷÷÷÷÷÷÷÷÷÷

الورده السوده
مين نجيب محفوظ ده
÷÷÷÷÷÷÷÷÷÷

كائن العزله:
ياخى حرام عليك ياخى
رايح تقول لعين ضيقه لييييييه؟
مانا موجوده
لا اله الا الله
÷÷÷÷÷÷÷÷÷÷÷÷

سكمونس
فشنك؟؟
اممممممممم
طيب
÷÷÷÷÷÷÷÷÷÷÷

عنتر بن غلبان
اهو انت اللى بوركت
على فكره عندك حق
÷÷÷÷÷÷÷÷÷

تسنيم:
يا جماعه تسنيم دى تؤم مفقود
عاوزه اروح اضور عليه فى بور سعيد
بحبك يا توسى

دعوة عامه لكل المدونين المصريين لحضور اللقاء الثالث الذى تحدد موعده من قبل المشرفين عليه والمؤسيسن له


وذلك يوم


الجمعه الموافق 9/3/2007


بدار الاوبرا المصريه


كوفى شوب الابداع


بجوار دار الابداع بداخل الاوبرا


والدخول للمكان من البوابه الخلفيه للاوبرا امام النادى الاهلى


والحضور بالملابس الشتوية


واوجه الدعوة خاصة الى الاخوات المدونات

الصراحه الصراحه انا مش فا هم حاجة من كلامك وانا اسمى عيل شقى مش آدم
اوكى
وبعدين انت بتقوليلى انا صغيرة وهو انتى عندك 20سنة

أساسا مبقاش في أوليا ومينفعوش يكونوا أوليا صدقينى

أنا آآآآآآآآآآآآآآآآآآآآآآآآسف




يا أميرة البلطجية




أناآآآآآآآآآآآآآآآآآآآآآآآسف




يا كرانيش




كتبت أميرة البلطجية موضوع "الكلام الجامد في تبرأة عمرو خالد"


وفتحت بابا المناقشة وتحلت بالحيادية نوعاً ما


وشاركها مريديها وعابري السبيل بمدونتها افكارها منهم من اتفق معها ومنهم من خالفها


ومنهم من اراد ان يصلبها فوق سطوح المدونة


وكنت من ضمن من حاورها وإستمتعت حقاً من محاورتها وإستفدت الشيء الكثير


وإستفدت كذلك ممن علقوا عندها حتي جاءت الأنسة (كرانيش) وقالت جملة مشهورة تقال للناجحين دوماً واصحاب الدعوات


لتقوية عزائمهم وشد همتهم أمام منتقديهم ولكنها ومن وجهة نظري علي الأقل جانبها الصواب حينما وضعتها في وسط ردود المعلقين


لا سيما والساحة ملتهبة وثمة ردود خشنة وبعضها قد تخطي حدود اللياقة والأدب معاً


كانت جملة الأنسة (كرانيش) بمثابة عود الثقاب الذي اشعل النار في كومة القش


وجاء تعقيب اميرة البلطجية عليها ليزيد الطين بلة


فما كان مني إلا ان إنتقدت أميرة البلطجية وبحنق شديد ذهبت الي مدونة كرانيش ووضعت عندها ما لا يصح من الكلام


وإنتظرت الرد...لكن عجباً كان تقديري للأمر مبالغ فيه ...إذ بكل ادب وإحترام ردت كرانيش عندي في مدونتي تنتقد كلامي وحروف كلماتها تنطق بالألم لذنب هي لم ترتكبه...وتدخلت اميرة البلطجية لتصلح الموضوع فتقدمت بإعتذار يدل علي صفاء نفسها وقوة شخصيتها


فما أجمل النفس المسامحة وما أطيب صاحبها، لأنه حقق بذلك الإنسانية بمفهومها الصحيح، وأدرك حقيقتها، إذ تجد الكثير من الناس يجنون عليك ويخطئون ولا يعتذرون، فهل نلتزم الصمت أمام هذا الخطأ، أم نبين لهم خطأهم؟ لابد ان نبين لهم الخطأ حتى لا يعودوا لمثله، وعلينا ألا نعاملهم بالمثل، بل نتسامى ونترفع عن أن نجهل على من جهل علينا وأخطأ في حقنا...وهذا ما فعلته كرانيش
وعندما يخطئ أي شخص، فعليه الاعتذار لمن أخطأ في حقهم..عليه عدم العودة لمثل هذا الخطأ، وأنا أخطأت في حق كرانيش وأميرة البلطجية معاً ، والذي يخطئ ويصر على الخطأ ولا يعتذر إلى من أخطأ إليه، هو إنسان ضعيف الشخصية معدوم الضمير


وعند المحللين النفسيين تسمى النفس اللوامة (الأنا الأعلى) وهو الجزء من النفس الذي يحاسب الإنسان على أفعاله، ويؤنبه ضميره على أخطائه، ويجعله يشعر بالندم على ما ارتكبه


لكن علينا الاعتذار، وعدم التمادي لنكون إنسانيين بحق، إذ لا يوجد أجمل ولا أروع من التسامح لأنه يولد المحبة في قلوب الجميع ويهزم كل ما هو مشين، ويولد الخير


أناآآآآآآآآآآآآآآآآآسف


يا جماعة سامحوني
الإعتذار ينبوع يتدفق بالحب والصفاء والتفاهم الحقيقي ولكن هل جميع الناس يقبلون عليه حتي يكون في نفوسهم كل ذلك الصفاء
ماأسهل ان نرتكت الأخطاء في حق الاخرين, بل ربما هي كسكب ماء على الارض
ولكن إصلاحها أو الاعتذار منها عند الكثير كإزاحة صخرة عظمى من على الارض..بل هي اشق
فالبعض يعشق أن يحمل سكيناً فيطعن بها..ولكن يكره أن تحمل يده بلسمـــاً يدواي به الجراح
فعلا أن الإنسان يستسهل كل شيء إلا الاعتذار ....يرى فيه انكسار لعزته وشموخه ...لكنه لو فكر قليلا لوجد أن في الاعتذار ارتفاع لمكانته من الدنو وقلة العقل


أنا آآآآآآآآآآآآآآآآآآآســــف


يا أميرة البلطجية




أنا آآآآآآآآآآآآآآآآآسف


يا كرانيش


كلمتان لمـــــــــاذا نستصعب النطق بهما


كلمتان لو ننطق بهما لذاب الغضب..ولداوينا قلبا متألماً أو كرامة مجروحة


ولعادت المياه إلى مجاريها في كثير من العلاقات المتصدعة


كم يمر علينا من الإشكاليات التي تحل لو قدمنا إعتذار بسيط


بدل من تقديم الأعذار التي لاتراعي شعور الغير


أو إطلاق الإتهامات للهروب من الموقف


لماذا كل ذلـــــــــــــك؟؟ ببساطة لأنه من الصعب علينا الإعتراف بالمسؤولية تجاه تصرفاتنا


لأن الغير هو من يخطيء


وليس نحن


كثير من الأحيان نرمي اللوم على الظروف أوأي شماعة أخرى بشرط


أن لاتكون شماعتنا


هناك نقطة مهمة يجب الانتباه لها


تقديم الإعتذار لايعني بالضرورة أن يتقبله الآخر


أنت قمت بذلك لأنك قررت أن تتحمل المسؤولية لتصرفك


المهم عليك أن تتوقع عند تقديم إعتذارك


المتلقي قد يحتاج لوقت ليتقبل إعتذارك وأحياناً أخرى قد يرفض


وهذا لايخلي مسؤوليتك تجاه القيام بالتصرف السليم نحو الآخـــــــــــر


نعم


أؤيد الإعتذار وقبول الإعتذار


نعم


أؤيد الإعتذار إلى كل من شعر بأني أسأت له


وأؤيد قبول الإعتذار إلى كل من أساء لي


أخيـــــــــــــــــــــراًمن يريـــد أن يصبح وحيداً فليتكبر وليتجبر وليعيش في مركز الحياة الذي لا يراه سواه


ومن يريـــد العيش مع الناس يرتقي بهم ...لا عليهم فليتعلم فن الإعتـــــــــــــذار...وأناأخطأت في حق مدونتين عزيزتين


فهل تقبل كرانيش وأميرة البلطجية الإعتذار

كرانيش
******
اولاً الغلط مركب من الطرفين

ماهو مش معقول ندخل نلاقي مكتوب شيء نعتبره شتيمة ونحس إن إحنا إتجرحنا ومش هيكون في اي رد فعل
اعلم إن رد فعلي ماكنش ذوق بس حطي نفسك مكاني وقدري مشاعري
بالنسبة لصدمتك في العالم الإفتراضي...ده وهم بدليل الناس الكتير اللي داخله تعلق وتشوف إبدعاتك وخواطرك وشعرك...عين ضيقة وبيارتيس وغيرهم
وعلي العموم لو اول تعارف خيب ظنك فيا اكيد هتعوضي ده مع ناس تانيين تستحق صداقتك وادبك وإحترامك لشخصك
بجد بعتذر عن اي إهانات وجرح مشاعر سببتهولك...انا آسف
وآسف اكتر إني نشرت كلام زي ده عندك
بالمناسبة كتباتك رقيقة...فهل نجد مثل هذه الرقة في قلبك
سؤال يحتاج الي تأكيد

معلش يا كرانيش انا اتأخرت في الكتابة ليكي
بس حقيقي انا امبارح كنت متنكده جدا
ومتأكده انك كمان كنتي متنكده
لسه جاية اكتبلك واقولك معلش حقك عليا
لقيت البوست بتاعت سمسم بيعتزلك
وحقيقي اتمني تقبلي اعتذاره
عشان انا بقرا للولد ده من مدة طويلة والحقيقة اني عارفة انه طيب جدا
معلش
حصل خير يا كرنوشة
ومتزعليش مني انا كمان في حاجة
ومتزعلش من اي حاجة اساسا
انتي طيبة اوي ما شاء الله ورقيقة
وتستاهلي كل خير
يا ريت تطمنيني عليكي
سلام

مولاتي أميرة البلطجية...هو انت هنا
أهلاً سموك يا فندم...شايفة كرنوشة تقلانة إزاي
عشر سعات لغاية دلؤت وانا بخبط علي باب المدونة الجميلة بتاعتها...وهي مطنشة
وزعلانة...دي زعلها وحش خالص
لأ وانت اللي عمالة تؤوللي روحلها ومتخفش دي طيبة...وجدعاية...وبنت بلد
أديك شايفة سموك...دي حتي مفحتليش الباب زي ما عملت مع بتاع المكوة !!!
انا سامع صوتها عمالة تسمع مزيكا جوة
وسيباني متلأح علي باب المدونة طب كانت
تعملي سندوتش ده انا علي لحم بطني وبعدين في ريحة جميلة جاية من مطبخها
هي بتعرف تعمل أكل...أكيد بتعرف...لأن
كل البنات الحلوين...بيعرفوا يعملوا بطاطس مقلية وبيض مسلوق بس

غير معرف  

انا اول مرة ادخل البلوج بتاعك ،
اسلوبك فى الكتابة حلو قوى

حلوة حلوة بجد
البلوج كله بسيط بشكل دافى قوى

عيل شقى انا عارفه انك مش ادم بس انت اخوه
وقصدى صغيره يعنى فى اخر العنقود
فهمتنى يا استااااااذ
.....
راسبوتين
ده شىء يسعدنى والله
بس تعالى قول للحاج
جميله قوى حكايه الشتويه دى
.....
كاميليا
مصدقاكى جدا والله
.....
سمسم
والله العظيم قبلت اسفك
وزى ماتنكدت من التعليق اللى كان كله شتيمه
متعرفش قد ايه فرحت من تعليقك عندى
وتاكدت انى كسبت اخ ليه
.....
اميره
والله يابنتى انك انتى اللى زى السكر
يسعدنى انك تكونى من المدونين اللى انا بحبهم بجد
ومتشكره ليكى انك وقفتى جنبى
....
سمسم
انا مش تقلانه والله بس انا مبدخلش نت كل يوم
عشان كده مبعرفش مين اللى علق عندى
بس للاسف يا سمسم احنا مبنتغداش ولا نتعشاش يوم الجمعه
ههههههههه
لا والله تشرف يعنى انت جيت فى سندوتش
.....
باكينام
تشرف يا جميل
ويارب متكونش اخر مره تزورينى فيها يا قمر
اسمك حلو قوى
.....
hesteura
والله انت اللى احلى يافندم
ربنا يخليك

متشكر جداً لروحك الجميلة وتربيتك

العاليه

وليه في ذمتك ساندوتش...ماليش دعوة

وكلامك جميل جداً

وكتباتك من غير تزويق ومجاملة

رشيقة

جداً

تحياتي

منتاش ولي

مفيش اوليا يا بنتي
هايلة بجد

انتي اللي حنعلميني ابكي شكلك كده

شايف عبدالرحمن اﻷبنودي من بين السطور

جميله قوي قوي يا كرانيش
أول مره أقرالك وان شاء الله مش هتكون الاخيرة
بس ممكن تجربي فونت غير ده لان النقط ضايعه خاااالص ومش باينه
تحياتي لمدونتك الجميلة

سمسم
اشكرك بشده
واضح ان الانفعال بيبينّا عكس حقيقتنا تماما
وبالنسبه للساندويتش
ولا يهمك يا سيدى بس كده؟
.....
فرى فاروه
شرف ليّه ان المدونه عجباك والله
.....

لميا
يا هلا ياهلا لميا محمود عندنا
يابنتى انا بموت فيكى من غير ماشوفك والله
بعد الشر عليكى يا قمر من البكا
.....
احمد ندا
اخجلتك تواضعنا يا فندم
مش للدرجه يعنى
....
احمد سلامه
يارب متكونش الاخيره فعلا زى ماانت بتقول
وبالنسبه للفونت ان شاء الله اوعدك البوست اللى جاى هيكونت بفونت احسن ان شاء الله
شكرا لتشريفك يا احمد

اسف لاني ماخدتش بالي من النص ده غير دلوقتي
نص حلو جدا

بجد جيله اوي
اول زياره ومش هتكون الاخير ان شاء الله


تحياتي