كسرة روح  

مرسلة بواسطة كرانيش


كسرة روح


من وقت ما راودتنى روحى ع الصراخ المصطنع

وصرخت عالى للوجود

وبقيت وحيد .. يمكن خطايا تشدنى

وانا برتجف جوايا من كتر الوجع

مكسور ومالينى فراغ

لا انا بستمع ليكى بجد

ولا انتى قادره تمثلى .. وتكونى دور المستمع

انا مش برىء زى ما انتى فاكره

اوعى تشوفينى يوم كما فارس معاه خيله

لا بملك يا صبيه الخيل

ولا عمرى هكون فارس

انا يمكن معايا الحلم

لكن الحلم متفسر كلام كداب

لاهقدر يوم اداويكى ولا حاجه

ولا ههديكى طوق الفل ف اديكى- كما حلمنا- ولا حاجه

ولا هتجينى تتدارى من الغربه ولا حاجه

فمتلومينيش على عجزى

وكسرة روحى بالمره

ويكفينى.. بعيد عن كل ما احلم

انا ... كل اللى كنته كدب

مانيش عاشق يا ست الكل لعنيكى

واذا مره خطيت وغلطت فى المعنى

فده يمكن عشان عطشان لحبه حب

ويمكن برضو تلقينى على عتباتك الوردى

بغنيلك بصوت حزنان من الركنه

وبحكيلك بكسرة روح عن الغيبه

وبكتبلك كلام يوجع قوى جدا

ولا تحطينى فى لحظه فى كفه صدق

انا آسف

عشان محناش ملايكه بجد

مجرد شخبطات ع الحيط بتقنعنا

ونعمل ثوره ع الفاضى

وتبهرنا نتايجها

وفى الاخر ... منلقاش حد

This entry was posted on ٠١:٢٤ and is filed under . You can leave a response and follow any responses to this entry through the الاشتراك في: تعليقات الرسالة (Atom) .

17 التعليقات

لا انا بستمع ليكى بجد

ولا انتى قادره تمثلى .. وتكونى دور المستمع


_____________


كسرة روح!!!! ليه كده بس يا بنت الناس؟

مش عارفة اقولك اد ايه مبسوطة اول ما لقيتك كتبتى تانى
حتى لو كلماتك حزينة بس متبطليش تكتبى اللى جواكى مهما حصل

حتى لو كان الصراخ مصطنع وكسرة روح غصب عننا جوانا

لسه حلمنا وقلمنا فى ايدينا
نقدر نداويها
حتى لو الحلم متفسر كلام كداب هنفسره تانى وهنحلمه تانى لغاية ما يتحقق ويداوينا

جميلة اوى القصيدة
والاجمل عودتك :)

محبتى

تسنيم العزيزه:

فكرتينى بفيلم واحد من الناس

ليه كده؟

عشان هو كده
....

لحظه تأمل:

مش عارفه اقولك انا قد ايه مبسوطه عشان انتى علقتى تانى
وصدقينى مش هبطل تانى
ومبسوطه كمان عشان عجبتك القصيده

تشكرات لوجودك

نصّ جميل..
قدرتي تمسكي أطراف الحوار بينك وبين الاخر..
وده عكسلنا مدى عمق الحالة...ومدى صعوبة الموقف
..
النصّ ينطلق إلى العام أكتر من إنه ذاتي-ده إذا كان ذاتي أصلاً :) -
..
حقيقي استمتعت بالقراءة ليكي

تحياتي

احساس وحش لما تحسى انك بتزقى فى حيطه
جميل

انا يمكن معايا الحلم

لكن الحلم متفسر كلام كداب
..

آه من القلب و لا في غيرها أقولها

و اتوجعت

كسرة روح
جميييل العنوان
والصور
لا نمل من سماع بكائيات/ مرثيات الحلم
تحياتي
ط

غير معرف  

لله در اللذي قال
ااسف للخوف
ااسف للضعف ااسف للسلطان
فعل الاتي الاقوى سيجبرني على الكتمان



حقيقي
اسف بجد
محمد ثروت المراكبي

غير معرف  

والاعتراف بالذنب ليس دليل على الضعف

مطلقا
انما هي الشجاعة التي تجعلني الوم نفسي الف مرة عندما ارى من يستحق الاعتذار
اليها
بعض ايامي وريح تنادي عليها وكل القلب
اليها
دمعة وبعض انهزام
اليها كل ايامي وكل الرياح وكل القلب
اليها كم اشتاق الى لحظات الهدئة بيني والعالم بيني وعروس البحر بيني وجداري والمستور
والى مزيد من الارتياح المصاحب للكلمات ايتها الشاعرة التي قد حركت سكون الماضي داخل قلب رجل مات

رائعة القصيدة بجد
بجد

محمد الحمامى

ربنا يبارك فيك يا محمد
..

محمد فكرى

اسعدنى ووجودك
ووصولك للحاله
.....

صدفه جميله:
واحساس اوحش لما تحسى ان الحيطه هى اللى بتزق فيكى

....

اسماء على :
بعد الشر عليكى يا سمسمه م الوجع
ويارب تكونى حستيها قوى عشان انا كمان كتبتها باحساس قوى
منورانى على فكره
...

ط

مع ان العنوان ناس كتير قالت عليه انه قاسى قوى
او مؤلم قوى
كويس انه عجبك
...

محمد ثروت

متتأسفش يا محمد
خلاص اللى فات مااات
...

حورس

بفرح قوى بنفسى لما شعرى يعجب شاعر

واحتمال اتغر قريب

غير معرف  

مش هقولك جامده لأن ده باين من التعليقات اللي عليها
انا مش عارف ده اول عمل ليكي ولا لا
بس والله جميله
لو ممكن اعد كتابه القصيده ببعض اللمسات مني ويارب تعجبك
مش مهم اكون شاعر بالفطره بس انا قاري ومستمع لا يستهان به بشهاده اصحابي

غير معرف  

عمرو نبيل ( امرأه)


يا من جفت في وصفها الاقلام ووجد صورتها ولا الاوهام ونظرت في عينيها فوجد شعاعا لؤلؤ فياضا عجزت عن رؤيته وتخيلت اني طائراّ يترنم في الاغصان كأني فوق زراعيها اتحسسهاكشجره مثقوله فروعها فتخيلت حين اضمها كأني احمل ياقوتة سقطت من فوق شجره مثمره وقلت ذاك حلم ليل ما اجمله هل يوجد مثلها امرأه