ترهات  

مرسلة بواسطة كرانيش

تذكرة الاتوبيس

طول عمرى لما كنت بركب الاتوبيس- مضطره -كنت باخد التزكره وافتتها ميت حته ومن غير وعى كنت برميها تحت رجلى

من يومين اكتشفت انا ليه بعمل كده

بطلع همى فيها

....



طول عمرى بغنى فى بيتنا بصوت عالى

وممكن انشذ فى وسط الغنوه واطلع بره اللحن

وده لانى كنت دايما مش راضيه باللحن

محاولتش مره اجرب اغنيها باللحن والكلمات

نفسى اجرب اعمل كده

.......



عمرى ماحبيت الساعه

بس اليومين دول

بحاول اعمل تيمه معيّنه تخلينى احبها

معرفتش الساعه غير متأخر

بس برضو ده مكانش ذنب الساعه

الحق عليّه انا

.....



بدندن بينى وبين نفسى



نسم علينا الهوا من مفرق الوادى

يا هوا دخل الهوا

خدنى على بلادى



ياترى

بلادى دى فين؟؟؟؟

.....



لو كان الحب رجلا



لقتلته



......



ياترى احنا فين من اخر وقت لينا فى الحياه

احنا دلوقتى فى الآخر ولا قبل الآخر بشويه

ولا لسه بدرى عالآخر ده





أسئله

بسألها لنفسى كتير اليومين دول

This entry was posted on ١٥:٥٧ and is filed under . You can leave a response and follow any responses to this entry through the الاشتراك في: تعليقات الرسالة (Atom) .

3 التعليقات

لو كان الحب رجلا
لقتلته
.
.
لا تعليق
.......................
عزيزتي
دمتي بكل ود
ومحبة

لم أتعجب طول مدة قرائتي للموضوع إلا عندما وصلت إلى -أسئلة بسألها لنفسي كتير اليومين دول-
رسمت علامة تعجب أمامي -اليومين دول بس-
إلى جانب بعض نظرات الحقد .. فالتحمدي الله...
---------------------------

ولو كان الحب نبي مرسل ... فماذا ؟؟

أنا عن نفسي لن أتبعه .. شأشكك ..أنه شيطان تخفى بهيئة نبي بداخل حلم قديم مازال يراوضني..

ولن أقتله ..

لو كان الحب رجلا لما استطعنا نحن أن نقتله ولتركه الرجال بدون أي محاولة حقيقة للقتل من جانبهم كي يعذبونا به



:)