انا ده  

مرسلة بواسطة كرانيش

يـــوتـــوبــيــــا
ــــــــــــــ
جربت انك تحضن نفسك م الخوف
وتخش فى اخر حتة فى قلب سريرك
وتطبطب على نفسك
وتقول معلهش
...
حسيت انك ميت؟
كل مقابر أرضك رافضاك
بتجر فى قلبك من تحت اقدام الناس
ترميه
.. يطلع لك رد سؤال البنت
ليه مالح دايماً طعم البحر؟
...
فكرت انك تبنى يوتوبيا جديدة
سكانها ملايكة
بيدفوا الشمس المفروشة باحلام الناس الغلبانة
وأما تحس انها عمالة بتهرب منك
علطول بتحط صباعك جوه عينيك
لو جربت ..
أو حسيت
إعرف انك مسكين جداً
إبكى براحتك
طبطب على نفسك
وادخل اخر حتة فى قلب سريرك
وماتستناش حد يقولك
معلهش
شعر: وفاء بغدادى
ملحوظه: لكل اللى بيحبونى انا محتاجالكم

This entry was posted on ٠٠:٠٥ and is filed under . You can leave a response and follow any responses to this entry through the الاشتراك في: تعليقات الرسالة (Atom) .

16 التعليقات

مكنش نفسى اكون اول كومنت فى بوست حزين زى ده .. بس لو بجد محتاجه حد جنبك هتلاقى ناس كتير جنبك لانك اكيد محبوبه .. بس يارب يكونوا ناس يستاهلو بجد

ابعتيلى ميلك ياريت لو تحبى

mohamedhamdyonline@gmail.com

غير معرف  

ربنا يعينك بجد

فيه اييه مـــــــالك؟

اجمدي زي ما شيماء قالتلك مفيش حاجة تستاهل

احضنى نفسك تانى وادخلى قلب سريرك بس وانتى بتطبطبى على نفسك خليكى فاكرة ان الدفا دايما هيجى من جواكى

يوتوبيا بتاعتك هى الناس اللى بتحبك بجد وهتلاقيهم موجودين دايما حواليكى
افتكريهم وكلميهم هتلاقيهم بيقولوا بنحبك من قلبهم
ساعتها هتلاقى ابتسامتك فى قلبك لسه موجودة بتدفيكى

اتمنى لكى دوام الخير

يعني ايه يوتيوبيا

ربنا معاكي

تحية للشاعرة والأخيار الجميل منكِ

----------------------------
جربت ...
-----------------------
كل هؤلاء بجوارك
دعيهم يستنشقون ملح البحر
وأتركي عقلك يخرج من وسط الأمواج
---------------------
تحياتي .. وبالغ حرقتي

كرانيش

احنا معاكى

السلام عليكم ازيك يا اجمل سمورة وحشتيينى جدا القصيدة دى على قد جمالها بتعكس ملاك صغير اجمل واجمل هو انتى اول مرة احس ان حد بيعزف على اوتار حزنه اروع قيثارةحب للاخريين بس ليا كلمة اخيرة طول ما الشمس بتشرق عليكى فى وسط احن اب وام واشقى اخوات عفاريت والذ صحاب رخميين وبعدين الزوج او بعدين وبعدين ههههههههه كلنا جنب القمر ده بس قشر يا جميل يلا منتظرة تعليعك على مدونتى والدعوة عامة سلااااااااااام

كرانيش : سمر صديقتى الحبيبة
اعرف انى مقصره فى وجودى جمبك
والله غصب عنى انتى عارفه ظروفى
انتصرى على كل الالام وعيشى حياتك بأجمل وجه ليها وافتحى موبايلك المقفول عشان عايزه اطمن عليكى يا احلى سمر
اوك
ولا غيرتى النمره يا بنتى عايزين نطمن عليكى

ازيك يا سمر
عاملة ايه؟

لمست انك فـ مشكلة م اللى انا شايفه فـ التعليقات

اتمنى تكونى بخير

ومبروك على شكل المدونة الجديد

مساء الفل أو صباح الفل حسب التوقيت المحلي لأي حته ..

أولاً .. القصيدة حلوه جدا وجميلة قوي البساطة المدهشة اللي فيها بجد

ثانياً .. إنتي فين من زمان مستنييين جديدك فعلا

غير معرف  

jhkjhlkjklklj

غير معرف  

الشاعرة وفاء بغدادى شاعره مرهفة المشاعر وصادقة الاحساس تحية طيبه لها ملحوظه : الملحوظه المضافة فى نهاية القصيدة ليست على لسان الشاعرة الكبيرة وهى على مسئولية ناقلة القصيدة وهذا للعلم فقط

غير معرف  

mohammed saad

الشاعرة وفاء بغدادى شاعره مرهفة المشاعر وصادقة الاحساس تحية طيبه لها ملحوظه : الملحوظه المضافة فى نهاية القصيدة ليست على لسان الشاعرة الكبيرة وهى على مسئولية ناقلة القصيدة وهذا للعلم فقط

اخرج من جوّه الضلمه يا نور

كسّر أبوابه وهد السور

وابني الفرحة ف قلبي قصور

وارمي لجام اليأس وطير