مجرد مشاعر  

مرسلة بواسطة كرانيش

مش عارفه اكتب ايه؟
ولا فى نيه مسبقه لكتابه حاجه معينه .. انا بس هكتب وخلاص .. عاوزه اثبت لنفسى انى لسه هنا .. واثبت للمدونه دى انى لسه هنا واثبت لناس كتير جدا انى لسه هنا ..
احساس القرب قوى بينك وبين حاجه بتاعتك شالت خصوصياتك فى فتره ما.. وشالت همومك فى فتره تانيه وبسطتك فى فترات كتير...
الاحساس ده هو اللى خلانى اكتب دلوقتى.. احساسى المؤقت بانى تخليت عن الشىء اللى شاركنى ده كله حتى لمجرد فتره بسيطه من الزمن مخلينى عندى رغبه فى الرجوع وانى اقولها مفيش حاجه هتاخدنى منك متقلقيش.. هكتب تانى عن اى حاجه.. هكتب كلام عابر والسلام.. كلام ممكن ميكونش فيه جمل مفيده ولا حاجه بس مجرد كلامك وحركه لسانك بتثبت انك لسه عايش .. واحساس انك عايش ده مسؤليه ف حد ذاته .. انا مبقولش حكم ولا حاجه بالعكس انا اكتر واحده محتاجه للحكمه ف حياتها ..
المهم ..
احساس الرجوع كمان لمكان هجرته ده احساس - اعتقد انه - بيبقى صادق جدا
انا رجعت ...

This entry was posted on ١٦:١٥ and is filed under . You can leave a response and follow any responses to this entry through the الاشتراك في: تعليقات الرسالة (Atom) .

4 التعليقات

حمدالله عالسلامه ياجميله

واظاهر انه بقى احساس طبيعى
البعد والقرب

اكتبى .. غالبا ده بيكون الحل .. يمكن تكتبى كلام فاضى .. او كلام مش كلام اساسا .. بس بعد كام حاجة مالهاش لزمة تكتبيها هتلاقى انك طلعتى معاها حاجات سلبية كتير وابتدى مودك يتغير .. وساعتها هترجعى تكتبى بجد
وتملى الدنيا كرانيش

احلى حاجة انك رجعتى

ساعات اول ما بنكتب الكلام اللى جوانا بنحسه اى كلام بعد كده لما بنرجع نقراه تانى بنلاقي اننا بنكتشف حاجات فى نفسنا

اكتبى واكتبى واكتبى

تحياتى دوما