اهداء الى سمر امام  

مرسلة بواسطة كرانيش


لا تنزعجى ..


ابدا لا تمارسى هذا الفعل .. فحولك من يهتم بكِ من يعتنى بك و ايضا من يهتم بأمرك ..

من يرغب فى رؤيتك والاطمئنان عليك ومعرفه اخبارك وتفقدك بشكل مستمر


هناك من يستحقوا اهتمامك وسؤالك و اشتياقك لهم دون ان يطالبونكى بالمقابل


بل ويمارسون فعل الاحتياج نحوك


فكونى مطمئنه بمن هم حولك

مجرد مشاعر  

مرسلة بواسطة كرانيش

مش عارفه اكتب ايه؟
ولا فى نيه مسبقه لكتابه حاجه معينه .. انا بس هكتب وخلاص .. عاوزه اثبت لنفسى انى لسه هنا .. واثبت للمدونه دى انى لسه هنا واثبت لناس كتير جدا انى لسه هنا ..
احساس القرب قوى بينك وبين حاجه بتاعتك شالت خصوصياتك فى فتره ما.. وشالت همومك فى فتره تانيه وبسطتك فى فترات كتير...
الاحساس ده هو اللى خلانى اكتب دلوقتى.. احساسى المؤقت بانى تخليت عن الشىء اللى شاركنى ده كله حتى لمجرد فتره بسيطه من الزمن مخلينى عندى رغبه فى الرجوع وانى اقولها مفيش حاجه هتاخدنى منك متقلقيش.. هكتب تانى عن اى حاجه.. هكتب كلام عابر والسلام.. كلام ممكن ميكونش فيه جمل مفيده ولا حاجه بس مجرد كلامك وحركه لسانك بتثبت انك لسه عايش .. واحساس انك عايش ده مسؤليه ف حد ذاته .. انا مبقولش حكم ولا حاجه بالعكس انا اكتر واحده محتاجه للحكمه ف حياتها ..
المهم ..
احساس الرجوع كمان لمكان هجرته ده احساس - اعتقد انه - بيبقى صادق جدا
انا رجعت ...