بابا نويل
undefined undefined,
undefined
undefined
بابا نويل
ولإنك بتداوى جراح البنيآدمين بشويش
وبتنزل ببساطك الاخضر
ومعاك البؤجه اياها
بترمّى على الناس النرجس والــ .........
ولإنك كان شعرك ابيض دايما
مدخلتش ف دماغ ست الحسن
وعجبها الواد اللـ ـسه شباب
وبرغم كده...
لساك بتحب تجيلها وتديها الممنوع
رغم انها رفضاك ؟؟
بتوصى بنات الحته عليها ميجرحوهاش
عمناول
جيتلها من غير البدله الحمرا
وصبغت الشعر الشايب جدا
ومسحت عنيك من اى دموع
قررت تمثل دور الواد النونو اللى بيسمع فيروز زييها
وبيرقص تانجو على الاحلام
ويحط الورده الحمرا ف جيب البدله
وبيعشق بالفن السريالى
وبدأت تقارن ف مرايتك بين ملامحكم
معقوله؟؟
تشبهله تمام
قدامها
مقدرتش تمسك نفسك ومتبكيش
لما لقيتها ف حضن الواد اللـــسه شباب
قررت كمان انك متجيش
لكن السنادى
جيت ومعاك البؤجه اياها
على وشك نفس الضحكه اياها
بتهادى عيال الشارع بلالين
وتطيّر باقى البلالين فى سماها
وبترجع على نفس بساطك الاخضر
ولا مين شافك
ولا مين أصلا كان هيفكر
